قرار است تیم ملی فوتبال کشور در دومین بازی دوستانه بین‌المللی خود با تاجیکستان رقابت کند.
این دیدار دوستانه ساعت ۵:۳۰ دقیقه روز سه‌شنبه، ۲۹ عقرب، به وقت کابل در استادیوم مرکزی جمهوری تاجیکستان برگزار خواهد شد.
پیش از این ملی‌پوشان کشور در نخستین بازی این رقابت‌های سه‌جانبه دو بر صفر مقابل نیپال مغلوب شده بودند.
نیپال نیز چهارشنبه گذشته در آخرین دیدار خود با نتیجه چهار بر صفر مقابل تاجیکستان شکست خورده بود.
عثمان توشف، سرمربی تیم ملی فوتبال افغانستان، ایجاد یک تیم منسجم و پرتلاش را مهم‌ترین هدف این رقابت‌ها عنوان کرده است.
توشف افزوده است: «از فدراسیون فوتبال افغانستان سپاسگزاری می‌کنم که این بازی‌های دوستانه را برگزار کرد. کارکرد تیم را دیده و برای حل مشکلات آن اقدام خواهم کرد.»
فدراسیون فوتبال افغانستان هم از آماده‌گی بازیکنان کشور برای رویارویی با تاجیکستان اطمینان داده است.
بیشتر بخوانید:
- دبیرکل پیمان امنیت جمعی؛ تقویت امنیت تاجیکستان در برابر افغانستان اهمیت دارد
- تاکید رییس جمهور تاجیکستان برای توسعه دهلیز ترانزیتی در منطقه
- تاکید مقامات ارشد کشورهای پاکستان و تاجیکستان برای تشکیل حکومت فراگیر در افغانستان
