رییس جمهور تاجیکستان در دیدار با همتای چینی خود بر اهمیت توسعه دهلیز ترانسپورتی میان چین، تاجیکستان و افغانستان تاکید کرد.
امام علی رحمان معتقد است که این توسعه به گسترش ارتباطات و تجارت در منطقه منجر خواهد شد.
آقای رحمان در کنفرانس مطبوعاتی امروز، یکشنبه، ۱۷ سرطان پس از دیدار با شی جین پینگ، رییس جمهور چین، خواستار اقدامات عملی برای ساخت مسیرهای جاده‌ای و ریلی در امتداد این دهلیز ترانسپورتی شد.
او همچنین بر ساخت جاده مرزی در منطقه «کالای خمب – واتچ – روشون» تاکید کرد که می‌تواند دهلیز ترانزیتی چین-تاجیکستان-ازبکستان-ترکمنستان-ایران-ترکیه را تقویت کند.
روسای جمهور تاجیکستان و چین پیشتر در دیدار رو شنبه، ۱۶ سرطان خود بر لزوم تشکیل حکومت فراگیر در افغانستان تاکید کردند.
بیشتر بخوانید:
- رییس جمهور تاجیکستان در نشست عمومی سازمان ملل؛ قاچاق مواد مخدر از افغانستان شدت گرفته است
- تاکید رییس جمهور تاجیکستان بر لزوم تشکیل دولت فراگیر در افغانستان
- صلح افغانستان محور دیدار خلیل‌زاد و رییس جمهور تاجیکستان
