رییس جمهور تاجیکستان در نشست عمومی سازمان ملل؛ قاچاق مواد مخدر از افغانستان شدت گرفته است
امامعلی رحمان، رییس جمهور تاجیکستان، روز چهارشنبه در سخنرانی خود در هفتاد و هشتمین نشست مجمع عمومی سازمان ملل در نیویورک، اعلام کرد که میزان قاچاق مواد مخدر از افغانستان به کشورش به شکل چشمگیر و نگران‌کننده‌ای افزایش یافته است.
به گفته وی، نیروهای مرزی تاجیکستان طی دو سال گذشته بیش از ده تن انواع مواد مخدر قاچاق شده از افغانستان را کشف و ضبط کرده‌اند که نسبت به سال‌های پیش از آن چندین برابر شده است.
رییس جمهور تاجیکستان همچنین بر وضعیت بسیار دشوار سیاسی، اقتصادی و اجتماعی افغانستان تحت حاکمیت طالبان هشدار داد و تاکید کرد ثبات و امنیت منطقه‌ای به شدت به شرایط افغانستان گره خورده است.
وی دوباره خواستار تشکیل حکومت فراگیر و همه‌شمول در افغانستان شد تا بتوان بحران‌های چندگانه این کشور را مدیریت کرده و از گسترش آن به کشورهای همسایه جلوگیری نمود.
گزارش‌های بین‌المللی نیز حاکی از افزایش چشمگیر کشت و قاچاق مواد مخدر در افغانستان پس از بازگشت طالبان به قدرت است که نگرانی‌ها را در منطقه و جهان تشدید کرده است.
بیشتر بخوانید:
- نگرانی روسای جمهور ایران و تاجیکستان از وضعیت بد دهشت‌افگنی از سمت افغانستان
- تاجیکستان از شناسایی و نابودی سه دهشت‌افگن در مرز با افغانستان خبر داد
- تهدید طالبان و ترس همسایگان؛ پاسگاه‌های مرزی تاجیکستان افزایش یافته است
- تاکید رییس جمهور تاجیکستان بر لزوم تشکیل دولت فراگیر در افغانستان
