طبق گزارشی در خبرگزاری دولتی خاور تاجیکستان، نیروهای امنیتی این کشور سه نفر از اعضای گروه جنگجوی انصارالله را در مرز با افغانستان به هلاکت رساندند.
گفته می‌شود این افراد روز گذشته از منطقه درواز افغانستان وارد خاک تاجیکستان شده بودند تا به مناسبت روز استقلال این کشور، اقدامات دهشت‌افگنانه انجام دهند.
همچنین گزارش شده که مقادیر زیادی جنگ‌افزار و مهمات از جمله بمب‌ها و وسایل ارتباطی از این افراد به دست آمده است. تاکنون مقامات حکومت سرپرست افغانستان واکنشی به این خبر نشان نداده‌اند.
انصارالله یکی از گروه‌های معاند با حکومت تاجیکستان به شمار می‌رود. در حالی که کشورهای همسایه و شورای امنیت سازمان ملل نگران حضور گروه‌های دهشت‌افگن در افغانستان هستند، طالبان حضور چنین گروه‌هایی را رد کرده و می‌گوید به هیچ‌کس اجازه نخواهد داد از خاک افغانستان علیه کشورهای دیگر اقدامی صورت گیرد.
با این حال، جامعه جهانی به شدت نسبت به تبدیل شدن افغانستان به پناهگاه دهشت‌افگنی ابراز نگرانی کرده و از طالبان می‌خواهد تا در این زمینه به وعده‌های خود به جامعه جهانی عمل کند.
بیشتر بخوانید: