در پی نگرانی‌های امنیتی در منطقه، مقامات تاجیکستان اعلام کرده‌اند که کنترل شدیدی را بر ورود شهروندان خود، افراد بدون تابعیت و اتباع خارجی به مناطق مرزی با افغانستان اعمال خواهند کرد.
کمیته امنیت ملی تاجیکستان در این زمینه اعلام کرده که ورود شهروندان خارجی و افراد بدون تابعیت به مناطق مرزی این کشور بدون اخذ مجوز اکیدا ممنوع است.
این در حالی است که بر اساس قانون مرزی دولتی تاجیکستان، ورود این دسته از افراد به مناطق مرزی بدون دریافت مجوز از وزارت خارجه و نهادهای امنیتی داخلی ممنوع می‌باشد.
مقامات تاجیکستان اعلام کرده‌اند که این تدابیر با هدف تامین امنیت و در پی پیچیده شدن اوضاع در منطقه و جهان و همچنین تلاش سازمان‌های هراس‌افگن و افراطی برای عبور غیرقانونی از مرزها اتخاذ شده است. تاجیکستان که طولانی‌ترین مرز را با افغانستان دارد، پس از روی کار آمدن طالبان در افغانستان بارها از نفوذ افراط‌گرایان از این کشور به خاک خود ابراز نگرانی کرده است.
بیشتر بخوانید:
- گفتگوی روسای جمهور روسیه و تاجیکستان پیرامون مبارزه با هراس‌افگنی
- بریتانیا به دنبال گسترش رابطه با همسایه افغانستان، تاجیکستان
- سازمان پیمان امنیت جمعی آماده اجرای طرح تقویت مرز تاجیکستان-افغانستان
