به گزارش رسانه‌ها، سراج‌الدین مهر‌الدین، وزیر خارجه تاجیکستان اعلام کرد سازمان امنیت جمعی طرحی را برای تقویت امنیت مرز مشترک تاجیکستان و افغانستان تصویب کرده است.
وی افزود، این طرح در سال جاری میلادی اجرایی خواهد شد اما جزئیات بیشتری ارائه نداد.
مهر‌الدین گفت، این طرح توسط امام‌علی رحمان، رییس جمهور تاجیکستان مطرح شده بود که برای ایجاد کمربند امنیتی در اطراف افغانستان تلاش می‌کند.
رحمان در ماه میزان در سازمان امنیت جمعی از افزایش خطرات تروریسم از افغانستان برای کشورهای عضو هشدار داده بود.
مقامات روسیه و قرقیزستان نیز در نشست اخیر بیشکک گفته بودند که حدود ۲۰ گروه هراس‌افگن در افغانستان هنوز فعالیت دارند.
با تصویب این طرح می‌توان انتظار داشت اقدامات مشترکی برای افزایش امنیت مرزی و مقابله با تهدیدات هراس‌افگنانه از جانب افغانستان که زیر حاکمیت طالبان قرار دارد صورت گیرد.
بیشتر بخوانید:
- دیدار نماینده سازمان همکاری اسلامی با وزیر امورخارجه تاجیکستان پیرامون وضعیت جاری در افغانستان
- ژاپن کمک‌های مرزی خود را به تاجیکستان برای تقویت امنیت مرز با افغانستان افزایش می‌دهد
- نگرانی روسای جمهور ایران و تاجیکستان از وضعیت بد دهشت‌افگنی از سمت افغانستان
