امام علی رحمان، رییس جمهور تاجیکستان در گفت‌وگوی تلفنی با اشرف غنی، رییس جمهور افغانستان پیرامون خشونت در این کشور و افزایش هراس‌افگنی ابراز نگرانی کرد.
آقای رحمان با اشاره به حملات اخیر به دانشگاه کابل و مرکز نیروهای امنیتی در ولسوالی امام صاحب ولایت قندوز، کشتار در این سطح را محکوم کرد.
وی با غیر انسانی خواندن حملات اخیر پیکارجویان طالب در افغانستان بر ضرورت تشدید پاسخ قاطعانه علیه پدید شوم دهشت‌افگنی تاکید ورزید.
رییس جمهور تاجیکستان همچنین از روند مذاکرات بین‌الافغانی استقبال کرد و اطمینان داد که دوشنبه از برقراری صلح در افغانستان تمام قد حمایت خواهد کرد.
دو رییس جمهور در این گفت‌وگوی تلفنی پیرامون تحکیم همکاری‌های دو جانبه در بخش امنیتی با هدف تقویت مبارزه مشترک علیه دهشت‌افگنی و ریشه‌کنی پدیده افراط‌گرایی و مواد مخدر به تبادل نظر پرداختند.
بیشتر بخوانید:
- انتخابات ریاست جمهوری در تاجیکستان کلید خورد
- تاجیکستان از موضع دولت افغانستان در تامین صلح حمایت کامل دارد
- با پر شدن بندهای تولید برق در تاجیکستان، خاموشی در افغانستان کمتر می‌شود
- به دنبال کمبود منابع آبی در تاجیکستان، برق وارداتی به ۴۰ مگاوات کاهش یافت
