شماری از اعضای شورای ولایتی هرات نسبت به وجود فساد در این ولایت ابراز نگرانی کرده و می‌گویند که به دلیل فساد یک هزار و ۳۶۰ فرصت شغلی در اداره‌های دولتی این ولایت بدون کارمند باقی مانده است.
محمد سردار بهادری، عضو شورای ولایتی هرات در گفت‌وگو با تلویزیون چکاد گفته است، فساد در اداره‌های دولتی این ولایت سبب شده تا بست‌های دولتی خالی بمانند.
آقای بهادری می‌گوید، با آنکه همه ساله شماری زیادی از دانشجویان دانشگاه درس خود را به پایان می‌رسانند، اما همچنان آمار بیکاری در این ولایت بالا است.
این عضو شورای ولایتی در ادامه گفته‌های امروز خود تاکید کرده است که نسبت به برنامه‌های ادارات دولتی در خصوص اعلان عمومی این بست‌ها شک دارد.
این در حالی است که در گذشته نیز کمیسیون مستقل اصلاحات اداری و خدمات ملکی در ولایت هرات اعلام کرده بود که بیش از یک هزار بست دولتی در ادارات این ولایت خالی باقی مانده است.
بیشتر بخوانید: