ولادیمیر پوتین، رییس جمهور روسیه، در دیدار با امام‌علی رحمان، همتای تاجیکستانی خود، تأکید کرده است که تهدیدها از خاک افغانستان را نادیده گرفته نمی‌توانند.
پوتین این موضوع را روز دوشنبه، ۱۷ مارچ، در یک نشست خبری با رییس جمهور تاجیکستان بیان کرده است.
او گفته است که برای برقراری صلح و ثبات در آسیای مرکزی تلاش خواهد کرد.
پوتین افزوده است: «طبیعتاً ما نمی‌توانستیم مسائل امنیتی در آسیای مرکزی را نادیده بگیریم، به‌ویژه با توجه به چالش‌ها و تهدیدهایی که از خاک افغانستان به منطقه می‌آید.»
افزون بر این، رییس جمهور روسیه تأکید کرده است که مسکو همکاری‌های امنیتی، مبارزه با مواد مخدر و ضدتروریسم را در تاجیکستان افزایش خواهد داد.
رهبران کشورهای آسیای مرکزی بارها از تهدیدهای تروریستی از خاک افغانستان ابراز نگرانی کرده‌اند.
با این حال، طالبان مدعی هستند که خاک افغانستان علیه هیچ کشوری استفاده نمی‌شود.
بیشتر بخوانید: