وزارت خارجه افغانستان اعلام کرده است، در آستانه برگزاری نهمین نشست قلب آسیا-روند استانبول در سطح وزرای خارجه، رییس جمهور غنی در راس هیات عالی رتبه دولتی رهسپار تاجیکستان شده است.
بر اساس اعلام وزارت خارجه، این نشست به میزبانی مشترک وزرای خارجه افغانستان و تاجیکستان در حضور روسای جمهور دو کشور برگزار خواهد شد.
سخنگوی وزارت خارجه افغانستان در این خصوص تصریح کرد، نشست یک روزه قلب آسیا – روند استانبول فردا سه‌شنبه در شهر دوشنبه برگزار می‌شود و ۱۳ وزیر خارجه در آن شرکت خواهند کرد.
وی در ادامه خاطرنشان ساخت، تقویت اجماع منطقه‌ای پیرامون صلح افغانستان و همچنین توسعه و همکاری‌های سیاسی، امنیتی و اقتصادی میان کشورهای منطقه از مهم‌ترین مباحث در این نشست خواهند بود.
ارگ ریاست جمهوری افغانستان نیز با انتشار اعلامیه‌ای ضمن ارائه معلومات از سفر آقای غنی به تاجیکستان گفته است که وی در جریان سفر دو روزه خود علاوه بر شرکت و سخنرانی در نشست قلب آسیا با امامعلی رحمان، رییس جمهور تاجیکستان، نخست وزیر و رییس مجلس نمایندگان این کشور نیز دیدار خواهد کرد.
بیشتر بخوانید: