مسوولان محلی در ولایت هرات می‌گویند، برای سال ۱۴۰۰ مبلغ پنج میلیون دالر برای بخش انکشاف سامانه‌های آبرسانی این ولایت در نظر گرفته شده است.
در همین راستا حمیدالله یلانی، رییس عمومی اداره آبرسانی و کانال‌کشی افغانستان یک ورکشاپ پلانگذاری برای توسعه و تقویت سامانه‌های آبرسانی شهر هرات را افتتاح کرده است.
آقای یلانی می‌گوید، ۲۴ میلیون دالر در جریان پنج سال آینده به انکشاف سامانه‌های آبرسانی در کل افغانستان اختصاص داده شده است.
سید وحید قتالی، والی هرات نیز سرمایه‌گذاری و برنامه‌ریزی برای انکشاف‌های زیربنایی در افغانستان به ویژه در بخش آبرسانی را ستودنی عنوان کرده و از توجه دولت به ولایت هرات قدردانی کرده است.
آقای قتالی در ادامه تاکید ورزیده که حضور زنان در نظام مدیریتی و سامانه‌های نظارتی اداره آبرسانی و کانال‌کشی شهری می‌تواند بسیار موثر باشد.
بیشتر بخوانید: