جنگ هلمند، روند ثبت زمین‌های دولتی در این ولایت را متوقف نکرده است

وزارت شهرسازی و اراضی افغانستان از ادامه روند ثبت زمین‌های دولتی در ولایت هلمند خبر داده است.

به گفته حشمت الله ناصری، سخنگوی وزارت شهرسازی و اراضی، تاکنون ۲۶۱ هزار و ۲۴۶ جریب زمین سفید در بانک زمین‌های دولتی این ولایت ثبت شده است.

وی در ادامه افزود، یک هزار و ۳۱۸ جریب زمین تحت استفاده ادارات دولتی نیز در بانک این وزارتخانه ثبت شده است.

سخنگوی وزارت شهرسازی و اراضی یادآور شد، ‌دستکم شش میلیون جریب زمین دولتی در سرتاسر افغانستان به ثبت رسیده است.

ثبت زمین‌های دولتی با هدف یکپارچه سازی دارایی‌های دولت و تسهیل زمینه تحقیقات عام‌المنفعه از سال گذشته آغاز شده است.

بیشتر بخوانید:

• در ادامه روند ثبت زمین‌های دولتی وزارت شهرسازی بانک زمین لغمان را ایجاد کرد
• نگاه تیزبین مسوولان وزارت شهرسازی برای ثبت زمین‌های دولتی در زابل
• وزارت شهرسازی از ثبت نزدیک به ۶۰ هزار جریب علفچر در بادغیس خبر داد
• وزارت شهرسازی روند ثبت زمین‌های دولتی را در ولایت فراه ادامه می‌دهد