بنابر گزارش رسانه‌ها، رییس‌جمهور تاجیکستان طی سخنانی در نشست سران کشورهای عرب و آسیای میانه در عربستان، خواستار تشکیل حکومتی فراگیر در افغانستان شده است.
امامعلی رحمان، رییس‌جمهور تاجیکستان، در این نشست بر تضمین حقوق و آزادی‌های همه اقوام و همچنین زنان در افغانستان تاکید کرده است.
آقای رحمان گفته است که از ایجاد حکومتی فراگیر در افغانستان که نماینده تمام گروه‌ها باشد و حقوق شهروندی همه مردم به ویژه زنان را تامین کند، حمایت می‌کند.
وی تاکید کرده که تاجیکستان همواره خواهان راه‌حل مسالمت‌آمیز بحران افغانستان بوده و امیدوار است تشکیل حکومت فراگیر منجر به صلح و ثبات در این کشور شود.
همچنین صدر جباروف، رییس‌جمهور قرقیزستان نیز وضعیت افغانستان را بسیار نگران‌کننده خوانده و بر ادامه کمک‌های بشردوستانه به مردم این کشور تاکید کرده است.
این نشست با حضور رهبران کشورهای عضو شورای همکاری خلیج فارس و پنج کشور آسیای میانه شامل ازبکستان، ترکمنستان، تاجیکستان، قرقیزستان و قزاقستان برگزار شده است.
بیشتر بخوانید: