شماری از اعضای جامعه مدنی ولایت هرات نسبت به نبود شفافیت در استخدام ادارات دولتی این ولایت و مجموعا افغانستان ابراز نارضایتی می‌کنند.
هوشنگ صالح، یکی از فعالان جامعه مدنی می‌گوید، در روند استخدام ادارات مدرک تحصیلی و شایسته سالاری مد نظر قرار ندارد بلکه حرف اول و آخر را روابط می‌زنند.
آقای صالح تاکید کرده است که خود قربانی این ضوابط شده و پس از چندین بار اشتراک در آزمون‌های استخدامی واجد شرایط شناخته نشده است و به همین دلیل خواستار توجه مسوولین است.
در عین حال، زلمی مالیار، رییس کمیسیون اصلاحات اداری ولایت هرات این گفته‌ها را رد کرده و می‌گوید که در استخدام‌های دولتی هیچ حقی پایمال نمی‌شود.
آقای مالیار تاکید ورزیده است که روند استخدام در ادارات دولتی توسط شورای ولایتی و کمیسیون‌های مختلف نظارت می‌شود.
بیشتر بخوانید: