چین و تاجیکستان در بیانیه مشترکی که در جریان سفر رسمی شی جین پینگ، رییس‌جمهور چین به تاجیکستان صادر شده، دو طرف از تشکیل یک حکومت فراگیر در افغانستان حمایت کرده‌اند.
این دو کشور در بیانیه‌ای تاکید کرده‌اند که یک افغانستان مستقل، بی‌طرف، متحد، همه‌شمول و صلح‌آمیز که عاری از هراس‌افگنی، جنگ و مواد مخدر باشد و در صلح و آرامش با همسایگان خود زندگی کند، به نفع مردم افغانستان و تمام کشورهای منطقه است.
بیانیه مشترک روسای جمهور دو کشور پس از آن صادر شده که رهبران کشورهای عضو سازمان همکاری شانگهای نیز در بیانیه‌ای بر ضرورت تشکیل یک دولت فراگیر در افغانستان تاکید کرده بودند.
اما طالبان خواست این کشورها را بی‌جا دانسته و گفته‌اند که مطرح ساختن چنین خواست‌هایی نتیجه‌ای در پی نخواهد داشت، چرا که این موضوع جزو مسائل داخلی افغانستان است.
بیشتر بخوانید:
- تاکید مقامات ارشد کشورهای پاکستان و تاجیکستان برای تشکیل حکومت فراگیر در افغانستان
- مخالفت سرسخت تاجیکستان با عضویت افغانستان تحت حاکمیت طالبان در سازمان همکاری‌های شانگهای
- تاجیکستان نسبت به افزایش خطر نفوذ افراط‌گرایی از افغانستان هشدار داد
