مقامات ارشد دولت تاجیکستان می‌گویند، بخش زیادی از جمعیت افغانستان را تاجیک‌تبارها تشکیل می‌دهند و این افراد باید در دولت حضور داشته باشند.
همزمان با شدت گرفتن نبرد میان جبهه مقاومت ملی در پنجشیر با طالبان، سراج‌الدین مهرالدین، وزیر خارجه تاجیکستان تاکید ورزید که باید گفت‌وگوهای مسالمت‌آمیزی برای حضور قوم تاجیک در دولت تشکیل شود.
پیش از این، ولادیمیر پوتین، رییس جمهور روسیه در دیدار با امامعلی رحمان، ریس جمهور تاجیکستان نیز گفته بودند که تاجیک‌ها در افغانستان نیمی از جمعیت این کشور را تشکیل می‌دهند و باید در قدرت باشند.
آقای پوتین اذعان کرده بود که طبق برآوردهای انجام شده، بین ۴۰ الی ۴۷ فیصد از جمعیت افغانستان را تاجیک‌ها تشکیل داده‌اند و باید در قدرت حضور داشته باشند.
رییس جمهور روسیه افزوده بود که با تمامی جریان‌های سیاسی در افغانستان روابط پایداری دارد و باید حضور همه جریانات و احزاب در دولت افغانستان دیده شود.
این در حالی است که طالبان در ولایت‌های مختلف عملیات‌های نظامی را علیه مخالفان خود راه‌اندازی کرده و روز گذشته نیز ویدیویی از تیرباران اسرای جنگی عمدتا تاجیک‌تبار را منتشر کرد.
بیشتر بخوانید:
- روند اخراج پناهجویان افغان از تاجیکستان سرعت گرفته است
- افغانستان از بازگشت سربازان پناهنده به تاجیکستان خبر می‌دهد
- روسیه برای ساخت یک پایگاه مرزی جدید به تاجیکستان کمک مالی ارائه می کند
- صلح افغانستان محور دیدار خلیل‌زاد و رییس جمهور تاجیکستان
