وزارت خارجه افغانستان با انتشار اعلامیه‌ای از سفر دو روزه سرپرست این وزارتخانه به تاجیکستان خبر داده است.
محمد حنیف اتمر، سرپرست وزارت خارجه برای دیدار با مقام‌های تاجیکستان از جمله امام علی رحمان، رییس جمهور این کشور رهسپار دوشنبه شده است.
بر اساس این اعلامیه، آقای اتمر همچنین با قاهر رسول‌زاده، نخست وزیر، سراج‌الدین مهرالدین، وزیر خارجه و سید مومن یتیم اوف، رییس کمیته امنیت ملی این کشور نیز دیدار خواهد داشت.
هدف از سفر آقای اتمر به تاجیکستان مطابق با اعلامیه وزارت امور خارجه، زمینه سازی برای سفر رییس جمهور غنی به این کشور عنوان شده است.
شایان ذکر است که پیش از این، رییس جمهور تاجیکستان در گفت‌وگویی تلفنی آقای غنی را برای دیدار از این کشور رسما دعوت کرده بود.
بیشتر بخوانید:
- وزارت خارجه آمریکا: «اکنون زمان آغاز مذاکرات بین‌الافغانی است»
- تاکید وزارت خارجه افغانستان به حمایت جامعه جهانی و کشورهای منطقه از روند صلح
- وزارت خارجه از انتقال ۱۲ جسد دیگر پناهجویان غرق شده به کابل خبر داد
- سرپرست وزارت خارجه افغانستان: کشورها با رهایی ۶۰۰ زندانی پیکارجویان طالب مخالف هستند
