همزمان با سالگرد تشکیل نیروهای مرزی تاجیکستان، امام علی رحمان، رییس جمهور این کشور از تشکیل دو پاسگاه مرزی در نزدیکی افغانستان خبر داده است.
در خبرنامه منتشر شده از ریاست جمهوری تاجیکستان آمده است که این دو پاسگاه مرزی برای تامین امنیت در منطقه شهر توس در ولایت ختلان، در نزدیکی مرز با افغانستان ایجاد شده است.
براساس این خبرنامه، این دو پاسگاه پس از آن ساخته شده که نگرانی‌های متعددی از عدم امنیت در مرزهای میان افغانستان و تاجیکستان ایجاد شده است.
اما علی رحمان در خبرنامه خود گفته است که نیروهای مرزی تاجیکستان با شجاعت و فداکاری از مرزهای این کشور دفاع می‌کند.
این در حالی است که رییس جمهور تاجیکستان پیش از این خواستار رسیدگی فوری به تهدیدات امنیتی در مرز دو کشور شده بود.
شایان ذکر است، پاسگاه‌های مرزی تاجیکستان در حالی ساخته شده که نیروهای طالبان تاکنون چندین دور نبرد با کشورهای همسایه داشته‌اند و در تازه‌ترین مورد، نبرد با نیروهای مرزی ایران تلفات سنگینی به دو طرف وارد کرده است.
بیشتر بخوانید:
- تاجیکستان: افغانستان امروز، تهدید جدی امنیتی برای منطقه است
- صنف آموزشی زبان انگلیسی برای کودکان مهاجر افغان در تاجیکستان
