به گزارش مرکز مطالعات راهبردی تاجیکستان، این کشور تعداد پاسگاه‌های مرزی خود با افغانستان را افزایش داده است.
به گفته خیرالدین عثمان‌زاده، رییس این مرکز، تعداد پاسگاه‌های مرزی دو کشور از ۱۰۰ پاسگاه فراتر رفته و برخی از آن‌ها با کمک سازمان‌های بین‌المللی ساخته شده‌اند.
وی افزود تاجیکستان همچنان روابط اقتصادی خود با افغانستان زیر حاکمیت طالبان را ادامه می‌دهد، چرا که این همکاری‌ها ماهیت بشردوستانه دارد و حمایت از مردم افغانستان اهمیت یافته است.
در عین حال، سیاست تاجیکستان در قبال دولت طالبان تغییر نکرده و همچنان این گروه را به رسمیت نمی‌شناسد. تاجیکستان همواره خواهان تشکیل حکومتی فراگیر در افغانستان بوده است.
افزایش پاسگاه‌های مرزی به دلیل تهدیدات امنیتی و گسترش قاچاق مواد مخدر از افغانستان صورت گرفته است. مقامات تاجیکستان اعلام کرده‌اند که با وجود ادعاهای طالبان، قاچاق مواد مخدر از افغانستان افزایش یافته است.
این اقدامات در حالی انجام می‌شود که روابط تاجیکستان و افغانستان تحت حاکمیت طالبان تیره بوده و تنش‌هایی میان دو کشور وجود دارد. تاجیکستان نگران نفوذ گروه‌های افراطی در مناطق مرزی است.
بیشتر بخوانید:
- تاکید رییس جمهور تاجیکستان بر لزوم تشکیل دولت فراگیر در افغانستان
- نگرانی همسایگان از بی‌سوادی سربازان طالبان؛ تاجیکستان دو پاسگاه مرزی ساخت
- تاجیکستان: افغانستان امروز، تهدید جدی امنیتی برای منطقه است
