بنیاد شهید احمدشاه مسعود و آکادمی ملی علوم تاجیکستان، به مناسبت دومین سالگرد سرنگونی دولت افغانستان و بازگشت طالبان به قدرت، نشستی با عنوان «تجربه همکاری افغانستان و تاجیکستان در مبارزه با دهشت‌افگنی بین‌المللی» برگزار کردند.
در این نشست، آگاهان امنیتی نگرانی خود را از حضور گسترده گروه‌های دهشت‌افگن و جنگجویان خارجی در افغانستان ابراز کردند و آن را تهدیدی جدی برای کشورهای منطقه دانستند.
آن‌ها معتقدند طالبان به این گروه‌ها اجازه داده تا در افغانستان مستقر شوند و برای حملات فرامرزی برنامه‌ریزی و آماده‌سازی کنند. همچنین وضعیت نگران‌کننده حقوق بشر در افغانستان مورد انتقاد قرار گرفت.
احمد مسعود، رهبر مقاومت ملی افغانستان، تلاش برای گفتگو با طالبان را بی‌نتیجه خواند و از جامعه جهانی خواست تا بدون در نظر گرفتن منافع مردم افغانستان، وارد روابط با طالبان نشوند.
در پایان نشست نیز تاکید شد که نباید اجازه داد افغانستان به میدان رقابت قدرت‌های منطقه‌ای و فرامنطقه‌ای مبدل شود و از گسترش دهشت‌افگنی جلوگیری به عمل آید.
بیشتر بخوانید:
- سفارت افغانستان در تاجیکستان از تداوم حکومت طالبان ابراز نگرانی کرد
- تهدید طالبان و ترس همسایگان؛ پاسگاه‌های مرزی تاجیکستان افزایش یافته است
- تاکید رییس جمهور تاجیکستان بر لزوم تشکیل دولت فراگیر در افغانستان
- افغانستان در صدر نگرانی‌های دهشت‌افگنی برای پاکستان و تاجیکستان
