تاجیکستان کشوری است که امام علی رحمان از حدود سه دهه به این طرف قدرت را در دست دارد.
کمیسیون مرکزی انتخابات تاجیکستان اعلام کرده که تا ساعت ۱۲ ظهر امروز دو میلیون و ۲۹۵ هزار و ۴۵۹ نفر رأی دهنده در این کشور آرای خود را به صندوق ها ریخته‌اند.
بیش از ۳۰ هزار نفر اعضای کمیسیون‌های انتخاباتی مسوولیت برگزار کردن انتخابات را بر عهده دارند.
به گفته کمیسیون مرکزی انتخابات تاجیکستان، نزدیک پنج میلیون نفر واجد شرایط رأی دهی در این کشور ثبت نام کرده اند.
قرار است ۱۵۹ ناظر بین‌المللی از اتحاد کشورهای مستقل به همراه ناظران سازمان همکاری های شانگ های و برخی کشورهای خارجی از جریان انتخابات نظارت کنند.
امامعلی رحمان، رییس جمهوری برحال و رهبر حزب حاکم خلق دموکرات تاجیکستان یکی از نامزدهای انتخابات ریاست جمهوری این دوره است.
گفتنی است که نتایج اولیه شمارش آرا 24 ساعت پس از پایان رای گیری و نتایج نهایی آن دو هفته بعد از برگزاری انتخابات اعلام خواهد شد.
بیشتر بخوانید:
- تاجیکستان از موضع دولت افغانستان در تامین صلح حمایت کامل دارد
- با پر شدن بندهای تولید برق در تاجیکستان، خاموشی در افغانستان کمتر می‌شود
- به دنبال کمبود منابع آبی در تاجیکستان، برق وارداتی به ۴۰ مگاوات کاهش یافت
- درگیری میان نیروهای امنیتی و مخالفان دولت در بغلان؛ برق وارداتی تاجیکستان قطع شد
