">
تلویزیون چکاد

همکاری‌های همه‌جانبه، موضوع نشست سه‌جانبه افغانستان-تاجیکستان-آمریکا

194

وزارت خارجه افغانستان اعلام کرده است که یک نشست سه‌جانبه میان این کشور و کشورهای تاجیکستان و آمریکا در سطح وزارت خارجه برگزار شده است.

 

در این نشست آقایان حنیف اتمر، وزیر خارجه افغانستان، سراج‌الدین مهرالدین، وزیر خارجه تاجیکستان و دیوید هیل، معین وزارت امور خارجه آمریکا به صورت ویدیو کنفرانس به بحث پرداختند.

گفت‌وگو پیرامون همکاری‌های سیاسی، امنیتی و اقتصادی از جمله محور مباحث این مقام‌ها بوده و طرفین به منظور همکاری برای دستیابی به اولویت منافع مشترک به تبادل نظر پرداختند.

آقای اتمر تلاش‌های جامعه جهانی و کشورهای منطقه را برای تامین صلح قابل قدر عنوان کرده و گفت، دولت افغانستان آمادگی شکل دادن به یک روند مشارکت سیاسی مبتنی بر قانون اساسی را دارد.

در عین حال، نمایندگان تاجیکستان و آمریکا نیز تاکید ورزیده‌اند که حمایت قاطع از صلح افغانستان وجود خواهد داشت و در ادامه حفظ دستاوردهای حقوق بشری و حقوق زنان را یک ضرورت عنوان کرده‌اند.

شایان ذکر است، هر سه جانب مذاکرات ادامه مبارزه مشترک ضد هراس‌افگنی، باندهای مخوف و قاچاقچیان مواد مخدر را خواستار شده‌اند.

بیشتر بخوانید:

ارسال یک پاسخ

آدرس ایمیل شما منتشر نخواهد شد.