۲۳ درصد از کارمندان دولتی در ولایت فراه را زنان تشکیل می‌دهند که به گفته مسئولان اداره محلی، در سال آینده این فیصدی افزایش خواهد یافت.

 

ناصر مهری سخنگوی والی این ولایت می‌گوید که حضور کمرنگ زنان در اداره‌های دولتی، باید به صورت جدی پی‌گیری گردد و در سال مالی جدید زنان بیشتری به اداره‌های دولتی جذب شوند.

او گفت: اکنون ۲۳ درصد از کارمندان اداره‌های دولتی زنان هستند که این رقم باید در سال‌مالی جدید بیشتر گردد.

وی تاکید نمود که حضور پر رنگ زنان در اداره‌های دولتی سبب می‌شود که امورات کاری و عرضه خدمات بهتر برای ساکنان این ولایت فراهم گردد.

این در حالی است که پیش از این نیز شماری از فعالان حقوق زن در فراه از حضور کمرنگ زنان در اداره‌های دولتی ابراز نگرانی کرده بودند.

 

بیشتر بخوانید:

کشته شدن بیش از ۳۰ تن از نظامیان فراه در یک ماه اخیر
ساکنان پرچمن فراه از برخورد مسئولان محلی شاکی اند

 

23 درصد کارمندان دولتی فراه را  زنان تشکیل میدهند

23 درصد کارمندان دولتی فراه را  زنان تشکیل میدهند

 

این مطلب را به اشتراک بگذارید: