مقام‌ها در ارگ ریاست جمهوری می‌گویند که امروز یکشنبه ۳۱ سرطان، «ژنرال عبدالرشید دوستم» معاون اول ریاست جمهوری بعد از حدود یک سال به کابل باز می گردد.

 

«شاه حسین مرتضوی» معاون سخنگوی ریاست جمهوری افغانستان به رسانه‌ها گفت که معاون اول ریاست جمهوری که حدود یک سال است که در ترکیه به سر می‌برد قرار است امروز وارد کابل شود.

وی افزود که این برگشت براساس موافقتنامه ای که بین ارگ ریاست جمهوری و ژنرال دوستم صورت گرفته است، انجام می‌شود.

مرتضوی بیان داشت که تمام موضوعات حقوقی علیه ژنرال دوستم بعد از برگشت وی به کشور بررسی خواهد شد.

«عبدالرشید دوستم» معاون اول ریاست جمهوری افغانستان یک سال قبل بعد از آنکه به تجاوز جنسی و شکنجه رقیب سیاسی اش والی پیشین جوزجان «احمد ایشچی» متهم شد و با عکس‌العمل‌های بین‌المللی روبرو گردید، کشور را ترک کرده و به ترکیه رفت.

 

بیشتر بخوانید:

ژنرال دوستم به کابل باز می‌گردد

ژنرال دوستم به کابل باز می‌گردد

https://telegram.me/CHEKADTV

این مطلب را به اشتراک بگذارید:
کلیدواژه ها :