ولادیمیر پوتین رییس جمهور روسیه و امام‌علی رحمان رییس جمهور تاجیکستان، وضعیت کلی افغانستان و چالش‌های تاثیرگذار آن بر امنیت منطقه‌ای را بررسی نمودند.

 

آقای پوتین، روز گذشته در دیدار با امام‌علی رحمان، رییس جمهور تاجیکستان گفته است که امنیت افغانستان و کشورهای منطقه برای روسیه مهم است.

وی تاکید کرده است که باید در کنفرانس‌های منطقه‌ای پیرامون حل مساله‌ افغانستان، تمرکز شود.

از سویی هم، امام‌علی رحمان رییس جمهور تاجیکستان نیز صلح و ثبات منطقه را برای تمام کشورها مهم خوانده است.

این در حالی است که پیش از این، رییس جمهور تاجیکستان از گسترش نفوذ داعش در افغانستان و خطرات آن برای تاجیکستان ابراز نگرانی کرده‌بود.

در حالی در مورد امنیت افغانستان و تاثیرگذاری آن بر ثبات منطقه گفتگو صورت می گیرد که شمارش معکوس برای نشست بین الافغانی صلح در قطر آغاز شده است.

 

بیشتر بخوانید:

روسیه و تاجیکستان، در مورد امنیت افغانستان گفتگو کردند

روسیه و تاجیکستان، در مورد امنیت افغانستان گفتگو کردند

https://telegram.me/CHEKADTV

این مطلب را به اشتراک بگذارید:
کلیدواژه ها :