شماری از نیروهای دولتی در ولایت بادغیس، به هم‌رزمان‌شان خون اهدا کرده‌اند.
این نیروها با دادن خون در تلاش نهادینه کردن، فرهنگ اهدای خون در ولایت بادغیس می‌باشند تا از این طریق، به نارسایی‌ها، در بخش کمبود خون در این ولایت نقطه پایان بگذارند.
در این میان، بهاءالدین قادسی، عضو شورای ولایتی بادغیس، ابراز امیدواری کرده است که با برگزاری این گونه کارزارها، فرهنگ اهدای خون در این ولایت نهادینه شود.
محمد خان، سرباز پولیس که جهت خون دادن به بیمارستان مرکزی ولایت بادغیس مراجعه کرده، از ساکنان این ولایت می‌خواهد که با اهدای خون، جان نظامیان را نجات دهند.
با این وجود، فعالان مدنی از این اقدام نیروهای دولتی استقبال می‌نمایند و این اقدام این نیروها را در راستای نهادینه شدن فرهنگ اهدای خون، موثر ارزیابی می‌نمایند.

 

فراهیان برای زخمیان نیروهای دولتی خون اهدا می‌نمایند

فراهیان برای زخمیان نیروهای دولتی خون اهدا می‌نمایند

این مطلب را به اشتراک بگذارید:
کلیدواژه ها : ,